قولوا لأمي متزعليش .. وحياتي عندك متعيطيش
قولها معلش يا أمي .. أموت أموت وبلدنا تعيش
أمانة تبوسولي إيديها .. وتسلمولي على بلادي
***
يا بلادي يا بلادي أنا بحبك يا بلادي .. يا بلادي يا بلادي أنا بحبك يا بلادي
في جسمي نار ورصاص وحديد .. علمك في إيدي واسمي شهيد
بودع الدنيا وشايفك .. يا مصر حلوة ولابسة جديد
آخر نفس فيه بنادي .. أموت وانا بحب بلادي
***
يا بلادي يا بلادي أنا بحبك يا بلادي .. يا بلادي يا بلادي أنا بحبك يا بلادي
طايرين ملايكة حواليا طير .. لحظة فراقك يا حبيبتي غير
همشي معاهم وهسيبك .. واشوف يا مصر وشك بخير
قالولي ياللا ع الجنة .. قولتلهم الجنة بلادي
يا بلادي يا بلادي أنا بحبك يا بلادي .. يا بلادي يا بلادي أنا بحبك يا بلادي
وداعاً للشهداء..
